منتديات عدولي كل الجديد تجده هنا
 
الرئيسيةس .و .جبحـثالأعضاءالتسجيلدخول

شاطر | 
 

 قصيده للشاعر حامد زيد

اذهب الى الأسفل 
كاتب الموضوعرسالة
star**night
عضو جديد


ذكر عدد الرسائل : 112
العمر : 27
العمل/الترفيه : طالب
المزاج : رااااااااايق
الدولة : الممكلة العربية السعوديه
تاريخ التسجيل : 19/04/2008

مُساهمةموضوع: قصيده للشاعر حامد زيد   الأحد مايو 04, 2008 5:41 am

بالله أخطوا والخطا اللي جابهم عين الصـواب
مبطي وأنا أشوف الطمع يكشف رداهم وأستـره

مايملي عيون الحسـود بهالزمـن غيـر التـراب
ومن لايتوب من الخطـا تحـرم عليـه المعـذره

اللي من أولهـا خـراب أكيـد تاليهـا خـراب
والبنـدق اللـي ماتثـور فـي هدفهـا تذعـره

ودك اليا من جاتك الغلطه مـن النـاس القـراب
الصاحب اللي ما كسبـت محبتـه مـا تخسـره

مشكلتي إني ماعرفت أحسب لصدتهـم حسـاب
قلّطتهم صدري على ذكرى قصيـد وحنجـره

صوت ٍ يصول بمنبره وخطاب مامثلـه خطـاب
والطيبه اللي زعزعت صوت الخطيـب ومنبـره

مافيه دمع ٍ صوبـوه أحبابـي بوجهـي وخـاب
ولا زرق حزنـي علـى غالـي ولا فـج انحـره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقـي وأخطـره

لأني تجنبت الغرق.. عديت من فـوق السحـاب
لأن أكثر أصحابي ورق..ماشفت للطيـب اثمـره

والله ماحطيت بيـن الحقـد والخـوه حجـاب
حتى غدوا ربعي يحدوني علـى الضيـق أشكـره

البارحه ثارت علـي رقـاب و آوتنـي رقـاب
البارحـه ياثقـل دم البـارح ويــا محـقـره

أثر المصايب ماتجيـك إلا مـن النـاس القـراب
وبهالزمن حتى الخوي اللـي تثـق فيـه أحـذره

أهب يا وجه الحسد وشلـون جمعهـم وغـاب
كيف السنيـن اللـي عطتنـي بعثرتهـم بعثـره

لابارك الله فـي رفيـق ٍ تزعلـه كلمـة عتـاب
ولاجمـع الله الرجـال اللـي تفرقهـم مــره

الصاحب اللي مايجي من صحبته غيـر العـذاب
نذر ٍ علي إن ماهجرني وإلا أنا اللـي بـأهجـره

من يفتح لفرقاي باب أفك لـه عشريـن بـاب
و إذا خويـي مايقـدر خوتـي مــا أقــدره

عو ّدت نفسي كل ماشـددت لليمّـه ركـاب
ما صد وجهي عن طموح إلا ليا جبـت خبـره

أن روّحوا فأنـا بـري منهـم ليـوم الحسـاب
وإن جرحوا قولوا لهـم ماحركـوا فـيّ إشعـره

شفهم لهم حول السنه ولا خذوا منـي جـواب
أحسـن دوا للـي يحـاول يستفـزك تحـقـره

ماكنت أحاتيهم صغير ..عـاد أحاتيهـم شبـاب
الصاحب اللي ما أذخره لليوم الأسود ما أذخـره

شفني جمعت أوراقهم بكتاب وأغلقـت الكتـاب
يا وقت لـم اللـي تلمـه وأنثـر اللـي تنثـره

اللي يخاف من الظما يترك لنـا طـرد السـراب
واللي ماهو بقد الظـلام ووحشتـه لا يسهـره

عقب أكتئاب البارحه ماعاد انـا حمـل إكتئـاب
الطيب جرجرني وانـا مانـي بناقـص جرجـره

انا تجرعت الظما ليـن أحتـرق وجهـي وذاب
انا كسرت بخاطـري قبـل الصداقـه تكسـره

انا خسرت اللي غيابه غير عـن كـل الغيـاب
انـا غفـرت لعـالـمٍٍ ماتستـحـق المغـفـره

انا أكثر (أنسان) تعلم من كثر ما أخطأ واصـاب
انا أخر (لسـان) يتكلـم فـي زمـان الثرثـره

انا القصيد اللي فزع من دفتـره مليـون نـاب
وانا الوحيد اللي جمـع مليـون نـاب بدفتـره

جفني وجرّحه السهر ، حيلي وهدّتـه الصعـاب
دمعي هدر ، ضحكي ندر ، عمري وضيعت أكثره

شيّبت بعقـول العرب..هيبـت روس ٍ ماتهـاب
جمهـرت نـاس ٍ عمرهـم مايعرفـون الجمهـره

ماصرت ذيـب إلا لأن اللـي تحدونـي ذيـاب
ما كنت أغيـب إلا لأن العفـو عنـد المقـدره

ترى حلاتك لاحملت لصاحبـك كلمـة عتـاب
أن مانطقـت بهـا بوجهـه ماتذمـه بظـهـره

في هالزمن مايملي عيـون الحسـود إلا التـراب
والا الحظيظ.. الطلقه اللـي ماتصيبـه تذعـره

ودك اليا من جاتك الغلطه مـن النـاس القـراب
الصاحب اللـي ماكسبـت محبتـه مـا تخسـره
صح لسانك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشيخ
مشرف منتدى القصص والروايات
avatar

ذكر عدد الرسائل : 200
العمر : 28
العمل/الترفيه : طالب
المزاج : عادي
الدولة : المملكة العربية السعودية
تاريخ التسجيل : 04/04/2008

مُساهمةموضوع: رد: قصيده للشاعر حامد زيد   الأحد مايو 04, 2008 6:18 am


الله عليك ..

إش أقول وش أخلى ..

الأبيات كل واحد أحلى من الثاني

بس راح أعطيك اللي من جد عجبني



أثر المصايب ماتجيـك إلا مـن النـاس القـراب
وبهالزمن حتى الخوي اللـي تثـق فيـه أحـذره


من يفتح لفرقاي باب أفك لـه عشريـن بـاب
و إذا خويـي مايقـدر خوتـي مــا أقــدره


انا خسرت اللي غيابه غير عـن كـل الغيـاب
انـا غفـرت لعـالـمٍٍ ماتستـحـق المغـفـره

انا أكثر (أنسان) تعلم من كثر ما أخطأ واصـاب
انا أخر (لسـان) يتكلـم فـي زمـان الثرثـره



وفي الأخير .. يعطيك ألف عافية وإن شاء الله ما تكون اخر مشاركة لك في قسم الشعر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فله خاص
مشرف منتدى الترحيب ومنتدى الصور
avatar

ذكر عدد الرسائل : 765
العمر : 31
العمل/الترفيه : مستشااااااار
المزاج : مزاااااجي
الدولة : عرين الأســـــــــــــد
تاريخ التسجيل : 05/04/2008

مُساهمةموضوع: رد: قصيده للشاعر حامد زيد   الأحد مايو 04, 2008 8:32 am

مشكووووووووووووووووووووور أخي الكريم star**night


على الموضوع


تقبل تحياتي


فله خاص


_________________
كل فقير له رب يغنيه

كل زرع له رب يسقيه

كل انتراوي له يوفاوي يربيه



انا يوفاوي وافتخر
واللي مو عاجبه ينتحر
ويكتب على قبره واحد منقهر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيده للشاعر حامد زيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عدولي :: المنتديات الأدبية :: منتديات الشعر والخواطر الأدبية-
انتقل الى: